ਉਡੀਕ ਰਾਮ ਸਿੰਘ ਦੀਆਂ ਹਜ਼ੂਰ ਸਾਹਿਬ ਦੀਆਂ ਟਿਕਟਾਂ ਦੋ ਮਹੀਨੇ ਪਹਿਲਾਂ ਹੀ ਬੁੱਕ ਹੋ ਚੁਕੀਆਂ ਸਨ ਉਸ ਨੇ ਕਈ ਦਿਨ ਪਹਿਲਾਂ ਹੀ ਤਿਆਰੀ ਸ਼ੁਰੂ ਕਰ ਦਿਤੀ ਸੀ ਉਸਦੇ ਨਾਲ ਉਸਦੀ ਪਤਨੀ ਤੇ ਉਸਦਾ ਸਾਂਢੂ ਵੀ ਜਾਣ ਵਾਸਤੇ ਤਿਆਰ ਸੀ ਜਦੋਂ ਦੋ ਦਿਨ ਬਾਕੀ ਰਹਿ ਗਏ ਤਾਂ ਰਾਮ ਸਿੰਘ ਦੀ ਪਤਨੀ ਨਾਲ ਭਾਣਾ ਵਾਪਰ ਗਿਆ ਜਦੋਂ ਉਹ ਇਕ ਖੰਭੇ ਕੋਲ ਖੜੀ ਸੀ ਤਾਂ ਉਸਦੇ ਪੈਰ ਦੇ ਉਪਰੋਂ ਸੀਮਿੰਟ ਦਾ ਭਰਿਆ ਰੇੜਾ ਨਿਕਲ ਗਿਆ ਤੇ ਫੈਕਚਰ ਹੋ ਗਿਆ ਤੇ ਪਲੱਸਤਰ ਲੱਗਵਾਓਣਾ ਪਿਆ ਤੇੰ ਉਸ ਦੀ ਟਿਕਟ ਕਟਵਾਉਣੀ ਪਈ ਪਰੰ ਰਾਮ ਸਿੰਘ ਦਾ ਦਿਲ ਨਾ ਮੰਨੇ ਅਪਨੀ ਘਰ ਵਾਲੀ ਨੂੰ ਛੱਡ ਜਾਣ ਦਾ ਪਰ ਆਖ ਵੇਖ ਕੇ ਹੀ ਰਾਜ਼ੀ ਹੋਇਆ ਉਹ ਤਾਰੀਖ ਆ ਗਈ ਸਵੇਰੇ ਸਾਢੇ ਪੰਜ ਵੱਜੇ ਗੱਡੀ ਨੇ ਚੱਲਣਾ ਸੀ ਟਾਈਮ ਤੋਂ ਪਹਿਲਾਂ ਹੀ ਅਮਿਰਤਸਰ ਸਟੇਸ਼ਨ ਤੇ ਪਹੁੰਚ ਗਏ ਟਾਈਮ ਹੋ ਗਿਆ ਸਾਢੇ ਪੰਜ ਵੱਜ ਗਏ ਪਰ ਗੱਡੀ ਪਲੇਟਫਾਰਮ ਤੇ ਨਹੀਂ ਲੱਗੀ ਪਤਾ ਕਰਨ ਤੇ ਪਤਾ ਚਾਲਿਆ ਕਿ ਗੱਡੀ ਲੇਟ ਹੈ ਕਿਸਾਨਾ ਦੀ ਹੜਤਾਲ ਕਰਕੇ ਰੇਲਾਂ ਰੋਕੀਆਂ ਜਾ ਰਹੀਆਂ ਹਨ ਕਰੀਬ ਡੇੜ ਵਜੇ ਦੇ ਕਰੀਬ ਗੱਡੀ ਆ ਜਾਇਗੀ ,ਡੇੜ ਵੀ ਵੱਜ ਗਿਆ ਪਰ ਗੱਡੀ ਨਹੀ ਆਈ ਇਸ ਤਰਾਂ ਵਾਰ ਵਾਰ ਟਾਈਮ ਬਦਲਣ ਤੇ ਫਿਕਰ ਹੋ ਗਿਆ ਕਿ ਗੱਡੀ ਆਵੇਗੀ ਕਿ ਨਹੀਂ ਕੀ ਅਸੀਂ ਹਜ਼ੂਰ ਸਾਹਿਬ ਜਾ ਪਾਵਾਂਗੇ ਵੀ ਕਿ ਨਹੀਂ ਮਨ ਵਿਚ ਇਕ ਆਵੇ ਇਕ ਜਾਵੇ ਕਹਿੰਦੇ ਉਡੀਕ ਦਾ ਵਕਤ ਛੇਤੀ ਨਹੀਂ ਨਿਕਲਦਾ ਇੰਤਜ਼ਾਰ ਕਰਦਿਆਂ ਨੂੰ ਘੜੀ ਮੁੜੀ ਘੜੀ ਵੱਲ ਵੇਖ ਕਦੀ ਪਲੇਟ ਫਾਰਮ ਵੱਲ ਵੇਖ ਕਿ ਹੁਣ ਵੀ ਗੱਡੀ ਆਈ ਹੁਣ ਵੀ ਆਈ ਸਾਡੀ ਉਡੀਕ ਬਹੁਤ ਲੰਬੀ ਹੋ ਰਹੀ ਸੀ ਫਿਰ ਪਤਾ ਚੱਲਿਆ ਕਿ ਗੱਡੀ ਜਲੰਧਰ ਰੇਲਵੇ ਸਟੇਸ਼ਨ ਤੇ ਆ ਚੁਕੀ ਹੈ ਉਹ ਹੁਣ ਤਰਨ ਤਾਰਨ ਦੇ ਰਸਤਿਓਂ ਹੀ ਅੰਮ੍ਰਿਤਸਰ ਪਹੁੰਚੇਗੀ ਸ਼ਾਮ ਸਾਢੇ ਚਾਰ ਵੱਜੇ ਸਟੇਸ਼ਨ ਤੇ ਆਈ ਤਾਂ ਹੁਣ ਉਸਦੀ ਸਾਫ ਸਫਾਈ ਹੋਣੀ ਸੀ ਗੱਡੀ ਸਫਾਈ ਵਾਸਤੇ ਚਲੀ ਗਈ ਪਰ ਛੇਤੀ ਹੀ ਵਾਪਿਸ ਆ ਗਈ ਤੇ ਸਵਾਰੀਆਂ ਗੱਡੀ ਵਿਚ ਬੈਠਣ ਲੱਗ ਪਈਆਂ ਰਾਮ ਸਿੰਘ ਤੇ ਉਸਦਾ ਸਾਂਢੂ ਵੀ ਆਪਨੀਆਂ ਸੀਟਾਂ ਮੱਲ ਕੇ ਬੈਠ ਗਏ ਤੇ ਸ਼ੁਕਰ ਕੀਤਾ ਉਸ ਪਰਮਾਤਮਾਂ ਦਾ ਕਿ ਏਨੀ ਉਡੀਕ ਮਗਰੋਂ ਆਸ ਤਾਂ ਬੱਝੀ ਕਿ ਹੁਣ ਹਜ਼ੂਰ ਸਾਹਿਬ ਜਰੂਰ ਪਹੁੰਚ ਜਾਵਾਂਗੇ। ਬਲਬੀਰ ਸਿੰਘ ਪਰਦੇਸੀ 9465710205
Please log in to comment.
